Алик Атласов шахмат буенча Минзәлә районы чемпионатында җиңү яулады

Минзәлә шәһәренең Балалар иҗат йортында шахмат буенча 5 нче район чемпионаты узды.

Ярышлар йомгаклары буенча 2024 елгы чемпион исемен 2010 елда туган 2 нче мәктәп укучысы Алик Атласов яулады. 

— Бу ел аның өчен истә калырлык булды. Гыйнварда Алик Атласов Фишер шахмат буенча районның беренче чемпионатында җиңде. Август аенда ул нокаут-система буенча беренче «Район Кубогы» җиңүчесе булды. Ноябрь аенда ул мәктәп укучылары арасында өч тапкыр район чемпионы булды. Һәм менә, ниһаять, ул шахмат буенча районның абсолют чемпионы булды! — дип хәбәр итте шахмат бүлеге тренеры Азат Шагалиев.

Икенче урынны Татар Мөшегесе авылыннан Фаил Фәттахов (2006 елгы) алды. Ә өченче урында — Әнвәр Камалов (1959 елгы), шулай ук Татар Мөшегесе авылыннан.

Хатын-кызлар зачетында Минзәлә шәһәреннән Зөлфия Вәлиуллина (1968 елгы) җиңү яулады. Ветераннар арасында иң яхшы нәтиҗәне Минзәлә шәһәреннән Михаил Кукаркин (1959 елгы) күрсәтте.

«РШТ ның 1300 берәмлегенә кадәр рейтинг зачеты» номинациясендә 2 нче мәктәптән Марк Насыйров (2013 елгы) җиңү яулады.
Турнир Татарстан Республикасы Минзәлә муниципаль районы Башкарма комитетының «Яшьләр эшләре һәм спорт бүлеге» МКУ ярдәмендә узды. 

Фотолар: ВКдагы «ДДТ»| ШК: «Мензелинск-Территория Шахмат» төркеменнән