Әмир Ардыханов бадминтон буенча беренчелек финалында көч сынашты

Минзәлә бадминтончылары Яр Чаллы шәһәренең «Заря» спорт мәктәбенең ачык беренчелегендә катнаштылар. 

Ярышлар Тукай районының Түбән Суыксу авылында узды.

— 2013-2014 елгы яшүсмерләр арасында Әмир Ардыханов, киеренке финалда Яр Чаллы спортчысына җиңелеп, 2 урынны яулады. Шулай ук бу категориядә 6 нчы урынны Ярослав Уржумов, 9 нчы урынны — Тимур Сәхабетдинов алды.
2013-2014 елгы кызлар арасында Кира Юдина — 6 нчы, Илона Букун 9 нчы урынны алды. 2015 елда туган һәм аннан кечерәкләр Елизавета Исаева 5 нче булды, — дип хәбәр итте «Минзәлә-информ» га «Юность» спорт мәктәбенең бадминтон бүлеге тренеры Игорь Ковальчук.

Ярышларда Яр Чаллы, Түбән Кама шәһәрләре, Актаныш, Тукай һәм Минзәлә районнарының яшь бадминтончылары — барлыгы 58 спортчы катнашты.
Фоторәсемнәр Минзәлә шәһәренең «Юность» спорт мәктәбенең бадминтон бүлеге архивыннан.