Яңа ел алды ярминкәсе Минзәләдә 28 нче декабрь көнне булачак
Минзәлә шәһәренең Октябрь мәйданында Яңа ел бәйрәменә багышланган ярминкәдә авыл хуҗалыгы товарлары җитештерүчеләр, КФХлар, авыл җирлекләре, шәхси ярдәмче хуҗалыклар, эшмәкәрләр, сәүдәгәрләр, урман хуҗалыгы, балык участогы үз продукцияләрен тәкъдим итәчәк.
Ярминкә шимбә көнне, ягъни 28 нче декабрь көнне шәһәребез үзәгендә иртәнге сәгать 8 дә башлана.
Үзешчән сәнгатьтә катнашучылар һәркемнең күңеленә хуш килерлек концерт программасы да әзерлиләр. Кыш бабай һәм Кар кызы ярминкәгә килүчеләрне тәбрикләячәк.
Сатуда киң ассортиментта төрле ит, сөт продуктлары, төрле җиләк-җимеш, балык, бал, бөртекле ашлык, яшелчә, он һәм башка күп төрле авыл хуҗалыгы продукцияләре булачак. Яңа ел табыны өчен каз, үрдәкләр, тавык ите, балык, тәм-томнар сатып алырга онытмагыз.
Следите за самым важным и интересным в Telegram-каналеТатмедиа
ВКонтакте: Мензелинск news - Мензеля-информ
Telegram-канал: Мензелинск news - Мензеля-информ
Нет комментариев