Китапханәчеләр Минзәлә сукырлар җәмгыяте өчен бәйрәм оештырдылар

Сукырлар җәмгыятендә инвалидлар декадасы кысаларында Үзәк китапханә хезмәткәрләре Римма Әхмәтханова һәм Гөлназ Шакирова "Авырлыклар аша — тормыш шатлыгына«дигән күңел ачу программасы үткәрделәр.

— Сукырлар җәмгыятенең үткен, шат күңелле, җырлаучы, биюче, уйнаучы әгъзалары «Кемнең сүзләре?», «Табышмакларга җавап бир», «Кызгылт сары дискотека», «Яле», «Әдәби герой», «Инешкәй», дигән әдәби бәйгеләрдә һәм уеннарда актив катнаштылар, — дип хәбәр иттеләр бәйрәмне оештыручылар.