«Минзәлә-информ» журналисты Дилфас Галиев республика конкурсында җиңү яулады

«Татмедиа» АҖ «Минзәлә-информ» филиалының иң тәҗрибәле хезмәткәре, редактор Дилфас Галиев «Август-Агро белән инновацияләр» дигән журналистлар эшләре конкурсында лауреат булды.

Бүләкләү тантанасы Татарстан Республикасы авыл хуҗалыгы һәм азык-төлек министрлыгында узды. Лауреатларга «Август-агро» компаниясе җитәкчелеге исеменнән диплом һәм акчалата бүләк тапшырылды.

Озак еллар дәвамында район тормышы, аеруча авыл хуҗалыгы темасын яктыртып баручы, укучыларыбызның яраткан авторы Дилфас Сәлимҗан улын әлеге лаеклы уңышы белән котлыйбыз.