Минзәлә районы башлыгы Айдар Салаховның Юл хуҗалыгы хезмәткәрләре көне белән котлавы

Автомобиль юлларын тиешле хәлдә тоту, хәзерге шартларда өзлексез һәм куркынычсыз хәрәкәтне тәэмин итү-җиңел бурыч түгел. Сезнең җилкәгездә авыр хезмәт ята. Меңләгән машина йөртүчеләрнең, пассажирларның һәм җәяүлеләрнең гомере юл тармагындагы барлык һөнәр ияләренең компетентлыгына һәм һөнәри осталыгына бәйле. Сезнең тәҗрибәгез, хезмәт сөючәнлегегез, эшкә җаваплы каравыгыз нәтиҗәсендә Минзәлә районы юллары тагын да сыйфатлырак, ә торак пунктлар төзекләндерелгән булачагына ышанып калам..

Сезгә ныклы сәламәтлек, бәхет, гаилә иминлеге һәм киләчәктә дә барлык башлангычларыгызда уңышлар телим!

Айдар Салахов, Минзәлә муниципаль районы башлыгы