Минзәлә районы башлыгы авыл җирлекләре тормышы белән дә танышты

Хуҗалыкларда алып барылучы эшләр белән танышканда, Минзәлә районы башлыгы Айдар Салахов авыл җирлекләре башлыклары белән дә очрашты. 

Һәр җирлектә МХО да катнашучыларга, аларның гаиләләренә ярдәм күрсәтү, каты көнкүреш калдыкларын җыю буенча бурычларны түләттерү, салымнарны җыю буенча эшләр алып барылырга тиешлеген искәртте район башлыгы. Үзара салым буенча эшлисе эшләрне тиз арада эшләп бетерергә кирәк. Пай җирләре өчен аренда түләве дә көн кадагында. 

— Җирлекләрдәге буш яткан җирләр, объектлар да канун нигезендә рәсмиләштереп бетерелергә тиеш, — диде Айдар Салахов.