Минзәлә районы шагыйрәсе Зөләйха Гыйләҗеваның әсәрләре күрше республикада альманахта басылып чыкты

Татарстан Республикасы Минзәлә районы Яңа Мәлкән авылында яшәп иҗат итүче Зөләйха Гыйләҗева үзенең ВК дагы сәхифәсендә чираттагы уңышы турында хәбәр итте:

— Дөньякүләм әдәби марафонда катнашучы 27 нче команда иҗатчыларының шигырьләре тупланган 3 томлык «Илһамлы Уфа балкышы» дип исемләнгән, Уфа шәһәренең 450 еллыгына багышланган альманах басылып чыкты. Альманахның 2 нче томында минем дә шигырьләрем дөнья күрде! Бу минем өчен бик зур шатлык!!! Шушы шатлыгым белән сезнең белән дә уртаклашырга булдым, дусларым! 

Районыбызның күренекле шәхесе Зөләйха Гыйләҗева киңкырлы талант иясе буларак күпләргә таныш.

Зөләйха Гыйләҗеваның шигырьләре даими рәвештә безнең сайт, «Минзәлә» район газетасында даими чыгып бара.
2023 елда ул Марий Элда үткәрелгән татар җыры конкурсында 1 урын да яулаган иде.

Фотолар Зөләйха Гыйләҗеваның ВК дагы сәхифәсеннән алынды