Минзәлә районында Яңа ел бизәлешенә конкурс үткәреләчәк

Район башлыгы Айдар Салахов карары нигезендә Минзәлә районында «Иң яхшы Яңа ел бизәлеше» конкурсы узачак. Үткәрү вакыты — 2024 елның 9 декабреннән 23 декабренә кадәр.

Аыл җирлекләре, физик, юридик затлар һәм шәхси эшмәкәрләр катнаша алачак. 

Конкурс «Авыл җирлекләрендә яңа ел чыршысын бизәү», «Оешма территориясен иң яхшы итеп бизәү» (номинациядә катнашучылар түбәндәге категорияләргә бүленәләр: балалар мәгариф учреждениеләре; авыл мәдәният йортлары; уку йортлары: махсус урта уку йортлары, гомуми белем бирү мәктәпләре, интернат — мәктәп; бюджет оешмалары; шәһәр предприятиеләре), «Торак сектор территориясендә иң яхшы Яңа ел бизәлеше» (категорияләр: шәхси йортлар; күпфатирлы йортларның ишегаллары). 

Җиңүчеләрне махсус комиссия билгелиячәк.