Минзәләдә автобуска билет бәяләре артты

Минзәләдән Яр Чаллыга йөри торган автобуска бәяләр 220 сумнан −280 сумга кадәр арткан.

Шулай ук Минзәлә районы авылларына йөри торган автобус маршрутларына Яңа Маҗынга 90 сумнан — 110 сумга, Татар Мөшегесенә 120 сумнан — 170 сумга, Наратлы-Кичүгә 90 сумнан — 120 сумга, Иске Мәлкәнгә 55 сумнан — 70 сумга, Воровскийга 35 сумнан — 60 сумга кадәр билет бәясе күтәрелгән. Шәһәр эчендә йөри торган 1нче, 2 нче һәм 3 нче маршрутларга билет бәяләре 25 сумнан — 30 сумга кадәр артты. 

Шәһәр урамнарында йөри торган һәр автобус навигация, онлайн-кассалар һәм видео күзәтү системалары белән җиһазландырылган. Маршрутларда яңа автобуслар йөри.