Минзәләдә сөт токымлы эре мөгезле терлекләрне асрау темасына укулар уза

2024 елның 24 октябрендә «сөт токымлы эре мөгезле терлекләрне ашату һәм карау»темасына ике көнлек укуның беренче көне узды.

Укырга Татарстан Республикасының 17 районыннан авыл хуҗалыгы һәм азык-төлек идарәләре белгечләре, җитәкчеләр, ветеринария табиблары, зоотехниклар, авыл хуҗалыгы предприятиеләрен һәм крестьян-фермер хуҗалыкларын тукландыру буенча операторлар килде.

Сәламләү сүзе белән Минзәлә районы авыл хуҗалыгы һәм азык-төлек идарәсе башлыгы И.М. Халиков, Минзәлә авыл хуҗалыгы техникумы директоры Э. Ш. Фәттахова чыгыш ясадылар.

Спикерлар «Лира Фарм» ҖЧҖнең эре мөгезле терлекләрне ашату буенча технологы И.Ш. Фәтхетдинов,  «Лира Фарм» ҖЧҖнең эре мөгезле терлекләрне ветеринария буенча технологы Е. Г. Кириллов, сөт фермасында азык аудиты һәм сәламәт яшь терлекләр алу мәсьәләләренә һәм бозауларның яшәү сәләтен арттыру юлларына җентекләп тукталдылар. Аннары укуда катнашучылар «Камский Бекон» ҖЧҖ сөтчелек комплексында булдылар, бу аларга әлеге мөһим эшнең практик аспектларын күзәтү мөмкинлеге бирде.

Алда катнашучыларны икенче уку көне көтә, ул сөтле токымлы эре мөгезле терлекләрне үрчетү һәм орлыкландыру мәсьәләләренә багышланачак.