Минзәләдәге яңа объектлар төзелгәндә якындагы урамнарның кыяфәте дә яхшыра

(Илдус Шаһиев, Минзәлә-информ)

Район башлыгы Айдар Салаховның эш принцибы биредә дә сакланды: яңа объект янындагы чокырлардан торган юл асфальтланачак, спорт мәйданчыгы да булачак.

Юл аркылы гына авыл хуҗалыгы техникумы тулай торагы булуын исәпкә алсак, биредә көн саен төрле ярышлар булыр дип көтик.

Тулай торак ел ахырына куллануга тапшырылачак. Олег Иванов җитәкләгән подряд оешмасы салкыннар башланганчы тышкы эшләрне бетереп, эчтәге буяу-сылау эшләрен дә озакка сузмаска вәгъдә бирә.