Минзәләнең яшь иҗатчылары төбәкара семинарда катнаштылар

Минзәлә районының 1 нче урта мәктәп, гимназия, педагогик көллиятенең укучыларыннан торган делегация I төбәкара «Яшь иҗатчылар» семинарында катнаша. Чара Яр Чаллының 29 нчы гимназия базасында узды. Делегацияне «Сибелә чәчәк» әдәби иҗат берләшмәсе җитәкчесе Надежда Пучкова җитәкләде. Семинарга шулай ук яшь шагыйрә Гөлназ Талипова (Минзәлә педагогика көллиятенең милли мәгариф бүлеге мөдире) һәм 1 нче урта мәктәп татар теле укытучысы Чулпан Шәйхелмарданова бардылар.

Биредә укучылар алдында танылган язучылар, шагыйрьләр, филология фәннәре докторлары чыгыш ясады. Шулай ук семинарда катнашучылар өчен мастер-класслар, түгәрәк өстәл үткәрелде.