Рәйхан Хәлимов: «Лаеклы кандидатлар өчен тавыш бирергә килдек»

Минзәлә шәһәрендә яшәүче Рәйхан Хәлимов ТР Дәүләт Советына депутатлар сайлауда тавышын бирергә хатыны Фәния Әхмәтова белән килде.

— Үзебезнең көнкүреш шартларын яхшырту өчен, халык мәнфәгатьләрен яклау өчен үзебез лаеклы дип тапкан кандидатларны сайладык. Шушы депутатларыбыз халыкка хезмәт итәрләр, дип ышанып калабыз, — диде ул.

безнең өстәмә

1976 нчы сайлау участогы Минзәлә авыл хуҗалыгы техникумы бинасында урнашкан. Участок сайлау комиссиясе секретаре Венера Тумакаева билгеләп үткәнчә, гражданнар сайлауларга актив киләләр.