Рәхимә Сафина солдатларга дип 30 мең сум акча һәм бик күп чәй бирде

Минзәләдә яшәүче әлеге өлкән яшьтәге Рәхимә Сафинаның солдатларга бу беренче генә ярдәм итүе түгел. Бүген гаиләләреннән бик еракта ­ махсус хәрби операциядә үз гомерләрен аямыйча батырлыклар кылучы егетләр өчен бик борчыла. Үзе дә әтисез үскән. Әтисе Бөек ватан сугышында вафат булган. 

Бу юлы Рәхимә апа  волонтерлар аша егетләргә газ сатып алу өчен дип 30 мең сум акча һәм хуш исле туган як үләннәре кушып ясалган тәмле чәй ясау өчен бик күп күләмдә ( ике пакет) чәй тапшырды.
Болай да зур булмаган пенсияләреннән өлеш чыгарып, Җиңү көнен якыйнайтырга тырышкан өлкәннәребез күпләр өчен үрнәк булып тора.