Татар Мөшегесе мәктәбендә өч район укытучылары экологик тәрбия мәсьәләләре буенча фикер алыштылар

К. Смирнова исемендәге Татар Мөшегесе урта гомумибелем бирү мәктәбе базасында. биология һәм география укытучыларының «Дәрестә, дәрестән тыш чараларда балаларга экологик тәрбия бирү» темасына зональ семинар узды.

— Семинарда Минзәлә районыннан, шулай ук Актаныш һәм Мөслим районнарыннан укытучылар катнашты. Ачык дәресләр, мастер-класслар, сыйныфтан тыш чаралар үткәрелде, мәктәп музее белән таныштык, — дип хәбәр итте «Минзәлә-информ» га Минзәлә районы мәгариф бүлеге методисты Айгөл Салахова.