Минзәлә кызлары – Арина белән Диләрәне "Салават күпере" бүләкли

8 март - Халыкара хатын-кызлар көне уңаеннан"Салават күпере" журналы «Әнием портреты» исемле балалар рәсемнәре бәйгесе игълан иткән иде.

Нәтиҗәдә, әлеге бәйгедә Минзәләнең 2 нче санлы «Алтынчәч» балалар бакчасына йөрүче Арина Горностаева җиңүче дип табылды. Аңа әнисенең рәсеме төшкән һәм «Иң әйбәт әни» дип язылган футболка тапшырылачак.

Шулай ук гимназиядә белем алучы Диләрә Фәрдиеваның да рәсеме жюри тарафыннан игътибарга лаек дип табылды. Арина белән Диләрәнең рәсемнәре "Салават күпере" журналының алдагы саннарында басылачак.